தற்போதைய அரசாங்கம் ஈஸ்டர் தாக்குதலில் பாதிக்கப்பட்டவர்களுக்கு உண்மையான நீதியை வழங்க அர்ப்பணிப்புடன் செயல்படுவதாக பீல்ட் மார்ஷல் சரத் பொன்சேகா தெரிவித்துள்ளார். பியகம பகுதியில் நடைபெற்ற நிகழ்வொன்றின் பின் ஊடகங்களுக்குக் கருத்து தெரிவித்த அவர், தேசிய மக்கள் சக்தி நாட்டுக்காக எடுக்கும் நேர்மையான முயற்சிகள் பாராட்டத்தக்கவை என்றும், ராஜபக்ச ஆட்சியாளர்கள் அவர்களின் ஊழல் மற்றும் அடாவடி நடவடிக்கைகள் காரணமாக நிச்சயமாக சட்டத்தின் முன் நிறுத்தப்பட வேண்டும் என்றும் வலியுறுத்தினார். மேலும், தற்போதைய அரசாங்கம் சரியான பாதையிலேயே பயணிப்பதாகக் குறிப்பிட்ட அவர், கடந்த கால அரசுகள் செய்த அழிவுகளிலிருந்து மீண்டு வர அரசாங்கத்திற்கு அவகாசம் வழங்கப்பட வேண்டும் என்றும், 2029 இல் நாமால் ராஜபக்சவை ஜனாதிபதியாக்குவது நாட்டை அழிக்கும் முட்டாள்தனமான முடிவு என்றும் சுட்டிக்காட்டினார்.
