கோடை வெயிலின் தாக்கத்தால் பொதுமக்கள் எதிர்கொள்ளும் தாகத்தைத் தீர்க்கும் உன்னத நோக்கில், மட்டக்களப்பு மத்திய பேரூந்து நிலையத்தில் குளிரூட்டப்பட்ட குடிநீர் அருந்தும் உபகரணம் ஒன்று நேற்று 15.09.2026 திறந்து வைக்கப்பட்டது.
மட்டக்களப்பு மாநகர சபை முதல்வர் சிவம் பாக்கியநாதன் அவர்களின் வேண்டுகோளுக்கு இணங்க, ஈஸ்ட் லகூன் உரிமையாளரும், மட்டக்களப்பு மாவட்டத்தின் முன்னணி தொழிலதிபரும், சமூக ஆர்வலரும், மட்டக்களப்பு மாவட்ட வர்த்தக சம்மேளனத்தின் தலைவருமான தேசபந்து முத்துக்குமார் செல்வராசா அவர்களின் அனுசரணையில் இக்குடிநீர் வசதி ஏற்படுத்தப்பட்டுள்ளது.
மட்டக்களப்பு மத்திய பேரூந்து நிலையம் தினமும் ஆயிரக்கணக்கான பொதுமக்கள் வந்து செல்லும் முக்கியமான போக்குவரத்து மையமாக விளங்குகின்றது. குறிப்பாக, தூரப் பிரதேசங்களில் இருந்து பயணிக்கும் பொதுமக்கள் நீண்ட நேரம் பயணித்து பேரூந்து நிலையத்தை வந்தடையும் நிலையில், சுத்தமான குடிநீர் கிடைப்பது அவர்களின் அடிப்படைத் தேவைகளில் ஒன்றாகும்.
பேரூந்து நிலையங்கள் போன்ற மக்கள் அதிகளவில் கூடும் பொது இடங்களில் குடிநீர் வசதி ஏற்படுத்தப்படுவது, குறிப்பாக கடுமையான வெப்பநிலை நிலவும் காலங்களில், பயணிகளின் உடல்நலத்தையும் நலவாழ்வையும் பாதுகாப்பதில் முக்கியத்துவம் வாய்ந்ததாகும். நீண்ட பயணங்களுக்கிடையில் சுத்தமான குடிநீரை எளிதில் பெற்றுக்கொள்ளும் வாய்ப்பு பொதுமக்களுக்கு பெரும் பயனளிக்கும்.
பயணிகள் எளிதாகப் பயன்படுத்தும் வகையில் அமைக்கப்பட்டுள்ள இந்தக் குளிரூட்டப்பட்ட குடிநீர் வசதி, கடுமையான வெயில் காலங்களில் தாகத்தால் சிரமப்படும் பயணிகளுக்கு பெரும் நிம்மதியையும் ஆறுதலையும் வழங்கும் சமூகநலச் சேவையாக அமைந்துள்ளது.
பொதுமக்களின் அன்றாடத் தேவையை கருத்திற்கொண்டு இவ்வாறான பயனுள்ள சமூகநலப் பணிகளுக்கு ஆதரவளித்தமைக்காக, அனுசரணையாளர் தேசபந்து முத்துக்குமார் செல்வராசா அவர்களுக்கு பொதுமக்கள் தமது பாராட்டுகளையும் நன்றிகளையும் தெரிவித்துள்ளனர்.
இந்நிகழ்வில் மட்டக்களப்பு மாநகர சபை ஆணையாளர், மாநகர சபை உறுப்பினர்கள், அதிகாரிகள் மற்றும் பொதுமக்கள் உள்ளிட்ட பலரும் கலந்து கொண்டனர்.
