அன்-நூர் தேசியப் பாடசாலை மாணவன் டைக்வாண்டோ போட்டியில் தங்கம் வென்று சாதனை

மட்டக்களப்பு | கிழக்கு மாகாண பாடசாலைகளுக்கிடையிலான டைக்வாண்டோ (Taekwondo) போட்டிகள் மட்டக்களப்பு வெபர் உள்ளரங்க விளையாட்டரங்கில் மூன்று நாட்களாக நடைபெற்று  (19) ஞாயிற்றுக்கிழமை நிறைவடைந்தன.

இதில் ஓட்டமாவடி பிரதேசத்தைச் சேர்ந்த BT/BC அன்-நூர் தேசியப் பாடசாலை மாணவன் M.R. Riyathi, 18 வயதுக்குட்பட்டோர் பிரிவில் (Under-18) 63–68 கிலோ எடைப் பிரிவில் சிறப்பாகப் போட்டியிட்டு தங்கப் பதக்கத்தை வென்றுள்ளார்.

மாகாண மட்டத்தில் நடைபெற்ற இப்போட்டியில் மாணவன் பெற்ற இந்த வெற்றி, அன்-நூர் தேசியப் பாடசாலைக்கும் ஓட்டமாவடி பிரதேசத்திற்கும் பெருமை சேர்த்துள்ளது.

மாணவனின் இந்த சாதனைக்கு பாடசாலையின் உடற்கல்வி ஆசிரியர் திரு. ஆர். அலோஜிதன் அவர்களின் வழிகாட்டலும், பயிற்றுவிப்பாளர்களான திரு. ஜெ. கிருஷ்ணா மற்றும் திரு. ஆர். நிரோசன் ஆகியோரின் பயிற்சிகளை வழங்கியது குறிப்பிடத்தக்கது.