முன்னாள் ஜனாதிபதி ரணில் விக்ரமசிங்கவிற்காக பெருந்தோட்ட பகுதிகளில் விசேட பூஜை வழிபாடுகள்!

முன்னாள் ஜனாதிபதி ரணில் விக்ரமசிங்க உடல்நிலை குறைபாட்டால் கொழும்பு தேசிய வைத்தியசாலையில் அனுமதிக்கப்பட்டுள்ள நிலையில், அவர் விரைவாக குணமடையவேண்டுமென பெருந்தோட்ட பகுதிகளில் உள்ள ஆலயங்களில் இலங்கை தொழிலாளர் காங்கிரசின் ஏற்பாட்டில்  இன்று முதல் விசேட  பூஜை வழிபாடுகள் இடம்பெறவுள்ளது.

மேலும்  பிரித்தானியாவின் வோல்வர்ஹாம்டன் பல்கலைக்கழகத்தின் அழைப்பின் பேரில் நிறைவேற்று அதிகாரம் கொண்ட ஜனாதிபதியாக பணியாற்றிய முன்னாள் ஜனாதிபதி ரணில் விக்ரமசிங்க, இங்கிலாந்துக்கு மேற்கொண்ட  பயணம் தனிப்பட்ட பயணமாக  குற்றப் புலனாய்வுப் பிரிவினரால் அடையாளப்படுத்த ப்பட்டதோடு, அவரின் பாதுகாப்பிற்காக சென்ற மெய் பாதுகாவலர்களுக்கு அரச நிதியை பயன்படுத்தியதாக அவர் மீது  குற்றச்சாட்டி, வழக்கு தொடுக்கப்பட்டுள்ள நிலையில், அவர் இந்த வழக்கில் இருந்து நிரந்தரமாக விடுப்பட வேண்டும் என்று இலங்கை தொழிலாளர் காங்கிரசால் பெருந்தோட்டப் பகுதிகளில் நாளை விசேட பூஜை வழிபாடுகள் நடைபெறவுள்ளதாக இ.தொ.காவின் தேசிய அமைப்பாளர் சக்திவேல் வெளியிட்டுள்ள ஊடக அறிக்கையில் தெரிவித்துள்ளார்.