"மரத்துக்கு வேராவோம்! ஊருக்கு உரமாவோம்!" விழாவில் இஸ்மாயில், றணீஸ் கௌரவிப்பு

 

காரைதீவு வரலாற்றில் மூன்று தடவைகள் பிரதேச சபை உறுப்பினராகவும் இம்முறை உப தவிசாளராகவும் தெரிவான எம்எச் எம். இஸ்மாயில் மற்றும் இரண்டாவது தடவையும் உறுப்பினராக தெரிவுசெய்யப்பட்ட எம்என்எம்.றணீஸ் ஆகியோர் அவர்கள் சார்ந்த ஸ்ரீலங்கா முஸ்லிம் காங்கிரஸ் கட்சியால் கௌரவிக்கப்பட்டார்கள்.

"மரத்துக்கு வேராவோம்! ஊருக்கு உரமாவோம்!"

 எனும் தொனிப்பொருளில் நேற்று முன்தினம் (08) பொத்துவிலில் இடம்பெற்ற நிகழ்வில் இவர்கள் இருவரும் ஏனைய பாராளுமன்ற உறுப்பினர்கள் கட்சி முக்கியஸ்தர்கள் முன்னிலையில் பொன்னாடை போர்த்தி கௌரவிக்கப்பட்டார்கள்.

காரைதீவு பிரதேச சபையின் உப தவிசாளர் மாளிகைக்காட்டைச் சேர்ந்த எம் எச்.எம். இஸ்மாயில் மற்றும் மாவடிப்பள்ளியைச் சேர்ந்த பிரதேச சபை உறுப்பினர் எம்.என்.எம்.றணீஸ் ஆகியோர் கட்சி தலைவர் அல்ஹாஜ் ரவூப் ஹக்கீம் அவர்களால் பொன்னாடை போர்த்தி கெளரவிக்கப்பட்டனர்.

மேலும் தலைவர் ரவூப் ஹக்கீம் மற்றும் அந்த நிகழ்வை ஏற்பாடு செய்த முன்னாள் பாராளுமன்ற உறுப்பினரும் இந்நாள் பொத்துவில் பிரதேச சபையின் தவிசாளரும் ஸ்ரீலங்கா முஸ்லிம் காங்கிரஸின் இளைஞர் அமைப்பாளருமான எம்.எம்.முஷாரப் முதுநபீனுக்கும் பாராளுமன்ற உறுப்பினர் வாசித்திற்கும்  தமது நன்றிகளை குறித்த இரு உறுப்பினர்களும் தெரிவித்துக் கொண்டார்கள்.

( வி.ரி. சகாதேவராஜா)