தமிழ்நாட்டிலிருந்து இலங்கைக்கு ஐம்பொன் விஷ்ணு சிலை கடத்தல் முயற்சி முறியடிப்பு .

 

 

 

தமிழ் நாடு     தூத்துக்குடி மாவட்டம் திரேஸ்புரம் அண்ணா நகர்  பகுதியில் இருந்து சட்டவிரோதமாக கடல் வழியாக  இலங்கைக்கு கடத்த முயன்ற மூன்று கிலோ எடை கொண்ட. பழமையான ஐம்பொன் விஷ்ணு சிலை பறிமுதல்.

இலங்கைக்கு சட்டவிரோதமாக பொருட்கள் கடத்த இருப்பதாக கிடைத்த ரகசிய தகவலின் படி தூத்துக்குடி வடக்கு போலீஸ் பிரிவிற்குட்பட்ட திரேஸ்புரம் அண்ணா பகுதியில் கையில் சந்தேகிக்கும் படியாக சில்க் ஜவுளி பையுடன் நின்று கொண்டிருந்த போதே பையை சோதனை செய்தபோது அதில் மூன்று கிலோ எடை கொண்ட 1. 1/4 அடி நீளமான பழமையான ஐம்பொன் விஷ்ணு சிலை கைப்பற்றப்பட்டது.

கைது செய்யப்பட்ட ஏரல் பகுதியை சேர்ந்த அந்தோணி ராஜ், பாலமுருகன் ஆகிய இரு நபர்கள் கடல் வழியாக இலங்கைக்கு சிலையை கடத்துவதற்கு நின்று கொண்டிருந்ததாக சாட்சியம் அளித்துள்ளதாக போலீசார் தெரிவித்துள்ளனர். தூத்துக்குடி கியூ பிரிவு போலீசார் நடவடிக்கையை மேற்கொண்டு வருகின்றனர்.