நாட்டில் நிகழும் துப்பாக்கிச் சூட்டுச் சம்பவங்களைத் தடுக்க ஒரு சிறப்புத் திட்டம் !

 

நாட்டில் தொடர்ந்தும் இடம்பெறும் குற்றங்கள் மற்றும் துப்பாக்கிச் சூட்டுச் சம்பவங்களைத் தடுப்பதற்காக காவல்துறை சிறப்புப் படையின் 15 குழுக்கள் செயல்பட்டு வருவதாக பொது பாதுகாப்பு அமைச்சர் ஆனந்த விஜேபால தெரிவித்துள்ளார். 

 

நாட்டில் இதுவரை குற்றக்குழுக்கள் 75 துப்பாக்கிச் சூட்டுச் சம்பவங்கள் பதிவாகியுள்ளன. 

 

இதில் 40 பேர் கொல்லப்பட்டதுடன், 43 பேர் காயமடைந்தனர். 

 

நேற்றும் மாத்தறை பகுதியில் துப்பாக்கிச்சூட்டுச் சம்பவம் ஒன்று பதிவாகியிருந்தது. அங்கு நடந்த துப்பாக்கிச் சூட்டில் மீன் வர்த்தகர் ஒருவர் காயமடைந்தார். 

 

இந்தநிலையிலேயே, நாட்டில் நிகழும் குற்றங்களைத் தடுக்க ஒரு சிறப்புத் திட்டம் செயல்படுத்தப்பட்டுள்ளதாக பொது பாதுகாப்பு அமைச்சர் ஆனந்த விஜேபால தெரிவித்தார்.