நுவரெலியா சீதா எலிய சீதை அம்மன் ஆலயத்தின் அசோகவன அனுஸ்ரீ தியான மண்டபம் திறந்து வைக்கப்பட்டது

 

நுவரெலியா சீதா எலிய சீதை அம்மன் ஆலயத்தின் அசோகவன அனுஸ்ரீ தியான மண்டபம் நேற்று (3) காலை 10 மணியளவில் ஆலய தலைவரும் நாடாளுமன்ற உறுப்பினருமான வேலுசாமி ராதாகிருஷ்ணன் அவர்களின் தலைமையில் சிறப்பு விருந்தினராக கௌரவ வெளி விவகார வெளிநாட்டு வேலை வாய்ப்பு மற்றும் சுற்றுலாத்துறை அமைச்சர் விஜித ஹெரத் அவர்களும் மற்றும் இலங்கைக்கான இந்திய உயர்ஸ்தானிகர் கௌரவ சந்தோஷ் ஜா அவர்களின் பங்கேற்புடன் அனுஸ்ரீ ஜெயின் குப்தா குடும்பத்தினரின் நன்கொடையின் கீழ் அமைக்கப்பட்ட தியான மண்டபம் உத்தியோகபூர்வமாக திறந்து வைத்து ஆலய நிர்வாக சபையினருக்கு கையளிக்கப்பட்டது.

இந்நிகழ்வில் இலங்கை தொழிலாளர் காங்கிரஸின் தலைவர் திரு. செந்தில் தொண்டமான் அவர்களும் பிரதி இலங்கைக்கான இந்திய உயர்ஸ்தானிகர் வி. எஸ் சரண்யா அம்மையார் அவர்களும் நாடாளுமன்ற உறுப்பினரான பிரதி உயர்கல்வி அமைச்சர் மதுர செனவிரத்ன மற்றும் நுவரெலியா மாநகர சபையின் முதல்வர் மற்றும் பிரதி முதல்வர், உறுப்பினர்கள் மற்றும் இந்தியாவை பிரதிநிதித்துவப்படுத்தும் குரு மா சுபா திதி அவர்களும் அவர்களது குழுவினரும் பங்கேற்றிருந்தனர் என்பது குறிப்பிடத்தக்கது.