அனைத்துப் பாடசாலைகளிலும் தினமும் உடற்பயிற்சி கட்டாயமாக்கப்பட்டுள்ளது.

 

பாடசாலை மாணவர்களுக்கு தினமும் உடற்பயிற்சி: கல்வி அமைச்சு முடிவு

இலங்கை கல்வி அமைச்சு பள்ளி மாணவர்களுக்காக ஒரு புதிய திட்டத்தை அறிமுகப்படுத்தியுள்ளது. மாணவர்களிடையே அதிகரித்து வரும் தொற்றா நோய்களைக் கட்டுப்படுத்தும் நோக்கில், அனைத்துப் பாடசாலைகளிலும் தினமும் உடற்பயிற்சி கட்டாயமாக்கப்பட்டுள்ளது.

​இந்த முயற்சியானது, மாணவர்களின் உடல் மற்றும் மன ஆரோக்கியத்தை மேம்படுத்த உதவும் என எதிர்பார்க்கப்படுகிறது.

​விளையாட்டுத் துறையுடன் ஒருங்கிணைப்பு

​கல்வி அமைச்சு, விளையாட்டு அமைச்சுடன் இணைந்து ஒரு கூட்டு குழுவை அமைக்கவும் முடிவு செய்துள்ளது. இந்தக் குழு, விளையாட்டுச் சங்கங்களுக்கும் தேசிய விளையாட்டு அமைப்புகளுக்கும் இடையே ஒருங்கிணைப்பை ஏற்படுத்தும். அத்துடன், மாணவர்களின் விளையாட்டு நடவடிக்கைகளைத் தொடர்ந்து முன்னெடுத்துச் செல்லும்.