மட்டக்களப்பு – ஏறாவூர் பொலிஸ் பிரிவுக்குட்பட்ட தன்னாமுனை பகுதியில் இடம்பெற்ற விபத்தில் இருவர் படுகாயமடைந்துள்ளனர்.
மட்டக்களப்பு -வாழைச்சேனை பிரதான வீதியில் தன்னாமுனை சந்தியில் முச்சக்கர வண்டியும், உந்துருளியும் மோதி இந்த விபத்து ஏற்பட்டுள்ளது.
இதன்போது முச்சக்கர வண்டி சாரதியும், உந்துருளியை செலுத்தியவரும் காயமடைந்துள்ளனர்.
மட்டக்களப்பு நோக்கிச் சென்ற முச்சக்கர வண்டியுடன் தன்னாமுனை தேவாலய குறுக்கு வீதியிலிருந்து வந்த உந்துருளி மோதியதன் காரணமாகவே இந்த விபத்து ஏற்பட்டுள்ளது.
இதன்போது முச்சக்கர வண்டி மற்றும் உந்துருளி கடும் சேதமடைந்ததுடன் அதனை செலுத்தி வந்த இருவரும் காயமடைந்துள்ளனர்.
ஸ்தலத்திற்கு வருகை தந்த ஏறாவூர் பொலிஸார் இது தொடர்பான மேலதிக விசாரணைகளையும் முன்னெடுத்து வருகின்றனர்.
