மட்டக்களப்பு கல்லடி உப்போடை விவேகானந்தா மகளிர் கல்லூரி விவேகா பழைய மாணவர் சங்கத்தின் ஏற்பாட்டில் மட்/ விவேகானந்தா மகளிர் கல்லூரி நடராஜானந்தா மண்டபத்தில் இரத்த தான நிகழ்வு 2025.08.23 இடம் பெற்றது
அமரர் இராமையா பிரசாந்தன் ஞாபகார்த்தமாக
1999 ம் வருட பழைய மாணவர்களின் அனுசரணையிலும் மற்றும் 1977 ம் வருட பழைய மாணவர்கள் மற்றும் நலம் விரும்பிகளின் இணை அனுசரணையில் இரத்த தான நிகழ்வு முன்னெடுக்கப்பட்டது
"உதிரம் கொடுத்து உயிரைக் காப்போம்" எனும் தொனிப் பொருளில் முன்னெடுக்கப்பட்ட
இரத்த தான நிகழ்வில் பிரதேசவாழ் பொதுமக்கள் ,சமூக ஆர்வலர்கள் , நலம் விரும்பிகள் , விவேகா பழைய மாணவர்கள் ஆர்வத்துடன் குருதிக்கொடை வழங்கினர்.
இவ்வைத்திய முகாமில், மட்டக்களப்பு போதனா வைத்தியசாலை இரத்த வங்கி வைத்தியர் வைத்திய அதிகாரி திரு. S. சிவவேணன் , தாதியர் உத்தியோகத்தர்கள், பணியாளர்கள் ஆகியோர் கலந்து கொண்டு குருதிச் சேகரிப்பில் ஈடுபட்டனர்.
இந்நிகழ்வில் குருதியைத் தானமாக வழங்கிய குருதிக் கொடையாளர்களுக்கு சான்றிதழ் வழங்கி வைக்கப்பட்டது.
நான்காவது வருடமாக விவேகானந்தா மகளிர் கல்லூரி விவேகா பழைய மாணவர் சங்கத்தினரால் இரத்த தான நிகழ்வு முன்னெடுக்கப்படுவது குறிப்பிடத்தக்கது
