இலங்கையிலிருந்து வரும் 1,161 தொழில்துறை மற்றும் 42 விவசாயப் பொருட்களுக்கு அமெரிக்கா சலுகையை வழங்கியுள்ளது.

 

இலங்கைப் பொருட்களுக்கான "பரஸ்பர வரியை" அமெரிக்கா 20 சதவீதமாகக் குறைத்ததற்கு ஈடாக, இலங்கை அமெரிக்காவிற்குப் பரந்த அளவிலான சலுகைகளை வழங்கியுள்ளதாகத் தகவல்கள் வெளியாகியுள்ளன.

இந்தச் சலுகைகள் அமெரிக்கத் தொழில்துறை மற்றும் விவசாயப் பொருட்கள் இரண்டுக்கும் பொருந்தும் என்றும் கூறப்பட்டுள்ளது.

இலங்கையிலிருந்து வரும் 1,161 தொழில்துறை மற்றும் 42 விவசாயப் பொருட்களுக்கு அமெரிக்கா அதே சலுகையை வழங்கியுள்ளது.

இலங்கைக்கு மிகவும் சாதகமாக இருக்கும் வர்த்தகப் பற்றாக்குறையைக் குறைப்பதே அமெரிக்காவின் நோக்கமாக உள்ளது.

இந்தநிலையில், இலங்கை 500 மில்லியன் அமெரிக்க டொலர் மதிப்புள்ள கச்சா எண்ணெய் மற்றும் 300 மில்லியன் அமெரிக்க டொலர் மதிப்புள்ள எரிவாயு என்பவற்றை அமெரிக்காவிடம் இருந்து கொள்வனவு செய்ய உறுதியளித்துள்ளதாக ஆங்கில ஊடகம் ஒன்று கூறுகிறது.