பாராளுமன்றத் தேர்தலில் மட்டக்களப்பில் வரலாற்றுச் சாதனை படைத்த இரா சாணக்கியன்.

 

இலங்கைத் தமிழரசுக் கட்சி (ITAK) மட்டக்களப்பில் 96,751 வாக்குகள் பெற்று, 5 இடங்களில் 3 இடங்களை வென்றுள்ளது. இலங்கையின் 22 தேர்தல் மாவட்டங்களில் மட்டக்களப்பு மாவட்டமே தேசிய மக்கள் சக்தி (NPP) தோல்வியடைந்த ஒரே மாவட்டமாகும்.

இரா. சாணக்கியன் அவர்கள் 65,468 விருப்ப வாக்குகளைப் பெற்று மட்டக்களப்பின் வரலாற்றுச் சாதனை புரிந்துள்ளார், இது மட்டக்களப்பு மாவட்டத்தின் வரலாற்றில் ஒரு வேட்பாளர் பெற்ற மிக அதிக விருப்ப வாக்காகும்.

இதற்குமுன்னர் 2004 இல் களுதாவளையைச் சேர்ந்த முன்னால் பாராளுமன்ற உறுப்பினர் தன்மன்பிள்ளை கனகசபை உச்ச அளவான 57,000 வாக்குகளை பெற்றிருந்தார்.அதன் பின்னர் ஒரு வேட்பாளர் பெற்ற அதிகூடிய விருப்புவாக்கு இதுவாகும்.

இரண்டாவது இடத்தில் இருக்கும் தமிழரசுக் கட்சி வேட்பாளர் வெறும் 22,000 வாக்குகளை பெற்றுள்ளார், இதில் இருவருக்குமிடையில் சுமார் 43,000 வாக்குகள் வித்தியாசமாக உள்ளது. ITAK, மட்டக்களப்பைத் தவிர்ந்த மற்ற அனைத்து தேர்தல் மாவட்டங்களிலும் தலா 1 இடத்தினை வெற்றிகொண்டுள்ளது, ஆனால் மட்டக்களப்பில் 3 இடங்களை வென்றுள்ளது.

இன்றைய தினம் கருத்து வெளியிட்ட இரா. சாணக்கியன்

மொத்தமாக, ITAK 8 இடங்களை வென்றுள்ளது, அதில் ஒன்று தேசியப் பட்டியல் மூலம் பெற்ற இடமாகும். இந்தத் தேர்தல் பிரசாரத்துக்கு மக்கள் வழங்கிய பேராதரவுக்கு மிக்க நன்றிகள். இனிவரும் காலங்களில் எனக்கு முன்னால் உள்ள சவால்களை எதிர்கொள்ள மிகவும் ஆவலுடன் உள்ளேன் என்று கூறியுள்ளார்