(கல்லடி செய்தியாளர்)
கல்லடி - உப்போடை, நொச்சிமுனை அருள்மிகு ஸ்ரீ சித்திவிநாயகர் ஆலய தேரோட்டம் இன்று ஞாயிற்றுக்கிழமை (25) இடம்பெற்றது.
இதன்போது வேத பாராயணங்கள் ஒலிக்க, தாளவாத்தியங்கள் முழங்க, பக்தர்களின் அரோகரா கோசங்கள் விண்ணை முட்ட, விநாயகப் பெருமான் பக்தர்கள் வடம் பிடித்து இழுக்க, அழகு ரதம் ஏறி, ஆலய வெளி வீதியை வலம் வந்தார்.
இவ் அரிய காட்சியைக் காண மட்டக்களப்பு நகர் மற்றும் அதனை அண்டிய பகுதிகளிலிருந்து பக்த அடியவர்கள் வருகை தந்திருந்தனர்.
இவ் ஆலய கொடியேற்றம் கடந்த சனிக்கிழமை (17) இடம்பெற்றது. அதனைத் தொடர்ந்து 09 தினங்கள் திருவிழா இடம்பெற்று, 10 ஆம் நாளான நாளை திங்கட்கிழமை (26) அதிகாலை தீமிதிப்பு இடம்பெற்று, தீர்த்தோற்சவத்துடன் ஆலய உற்சவம் நிறைவு பெறவுள்ளது.
