மட்டக்களப்பு மாவட்ட இந்து இளைஞர் பேரவையின் ஏற்பாட்டில் வெள்ள அனர்த்தத்தால் பாதிக்கப்பட்ட மக்களுக்கு நிவாரண உதவிகளை வழங்கும் வேலைத் திட்டம்.

நாட்டில் தற்போது ஏற்பட்ட வெள்ளம் மற்றும் காற்று  அனர்த்தம் காரணமாக பல்வேறு உயிரிழப்புகள் மற்றும் உடமைகள் உட்பட பல்வேறு சேதங்களை இடம்பெற்றது.

அந்த வகையில் மட்டக்களப்பு மாவட்டத்தில் ஏற்பட்ட வெள்ளம் மற்றும் காற்று  அனர்த்தம் காரணமாக மக்கள் இடம்பெயர்ந்து இடைத்தங்கல் முகாம்களில் தஞ்சமடைந்து உள்ளனர். 

இதன்காரணமாக மட்டக்களப்பு மாவட்ட இந்து இளைஞர் பேரவையின் ஏற்பாட்டில் வெள்ள அனர்த்தத்தால் பாதிக்கப்பட்ட மக்களுக்கு நிவாரண உதவிகளை வழங்கும் வேலைத் திட்டம் இடம்பெற்று வருகின்றது.
 அந்த வகையில்  செங்கலடி பிரதேச செயலாளர் பிரிவில்  வெள்ளத்தால் பாதிக்கப்பட்டு மாவடிவேம்பு விக்னேஸ்வரா வித்தியாலய இடைத்தங்கல் முகாமில் தங்கியிருக்கும் மாவடிவேம்பு  கிராம மக்களுக்கு நிவாரண உதவிகள் வழங்கப்பட்டது.

இதன்போது பாதிக்கப்பட்ட குடும்பங்களுக்கு பாய், போர்வை விரிப்பு மற்றும் குழந்தைகளுக்கு நுளம்பு வலைகள் என்பன வழங்கப்பட்டது.  

 மட்டக்களப்பு மாவட்ட இந்து இளைஞர் பேரவை தலைவரும், முன்னாள் பாராளுமன்ற உறுப்பினர் சீனித்தம்பி யோகேஸ்வரன் உடனடியாக இடைத்தங்கல் முகாமிற்கு சென்று உடனடியாக தேவையான உதவியை வழங்கி வைத்தார்.

 ந.குகதர்சன்