கண்டி மாவட்டத்தில் 103 மரணங்கள் பதிவாகியுள்ளதாக மாவட்ட அனர்த்த முகாமைத்துவப் பிரிவு தெரிவித்துள்ளது.

 

கண்டி மாவட்டத்தில் அதிக மழைப்பொழிவு மற்றும் அனர்த்த நிலைமை காரணமாக, 20 பிரதேச செயலகப் பிரிவுகளில் 103 மரணங்கள் பதிவாகியுள்ளதாக மாவட்ட அனர்த்த முகாமைத்துவப் பிரிவு தெரிவித்துள்ளது. 

 

இதன்படி சுமார் 180 பேர் வரையில் காணாமல் போயுள்ளதாக தெரிவிக்கப்பட்டுள்ளது. 

 

மேலும் கண்டி மாவட்டத்திலுள்ள 20 பிரதேச செயலாளர் பிரிவுகளில் 11,129 குடும்பங்களைச் சேர்ந்த 40,821 பேர் பாதிக்கப்பட்டுள்ளதாக மாவட்ட அனர்த்த முகாமைத்துவ பிரிவு வெளியிட்ட அறிக்கையில் தெரியவந்துள்ளது. 

 

அத்துடன் இடம்பெயர்ந்த 6,874 குடும்பங்களில், 4,764 குடும்பங்களைச் சேர்ந்த 21,500 பேர் இடம்பெயர்வு முகாம்களுக்கு அனுப்பப்பட்டுள்ளனர்