வரியிறுப்பாளர்களுக்கு டிசம்பர் 08 திகதி வரை கால அவகாசம் - மட்டக்களப்பு வர்த்தக சங்க தலைவர் தகவல்!!

 கிழக்கின் குரல் 

வரியிறுப்பாளர்களுக்கு டிசம்பர் 08 திகதி வரை கால அவகாசம் வழங்கப்பட்டுள்ளதாக மட்டக்களப்பு வர்த்தக சங்க தலைவர் தகவல் வெளியிட்டுள்ளார்.

வரியிறுப்பாளர்கள் தமது வருமான வரி திரட்டு தொடர்பான தகவல்களை 2025 ஆண்டி நவம்பர் மாதம் 30 திகதிக்கு முதல் நிகழ்நிலை ஊடாக இற்றைப்படுத்த வேண்டுமெனவும் அவ்வாறு தவறும் பட்சத்தில் உரிய சட்ட நடவடிக்கை (தண்டப்பணம் அறவிடப்படும்) எடுக்கப்படுமென  வருமான வரி திணைக்களத்தினால் ஏலவே அறிவிக்கப்பட்டிருந்தது.

இருப்பினும் நாட்டில் தற்போது ஏற்பட்டிருக்கும் அசாதாரண சூழ்நிலை காரணமாக குறித்த திணைக்களம் எதிர்வரும் டிசம்பர் 08 திகதி வரை வரியிறுப்பாளர்களுக்கு கால அவகாசம் வழங்கியுள்ளதாக மட்டக்களப்பு வர்த்தக சங்க தலைவர் தேசபந்து முத்துக்குமார் செல்வராசா மட்டக்களப்பு மாவட்ட வர்த்தகர்களின் நலன்கருதி குறித்த தகவலினை ஊடகங்கள் வாயிலாக வெளிப்படுத்தியுள்ளார்.