பட்டிருப்பு கல்வி வலயத்திலுள்ள மட்/பட்/துறைநீலாவணை மகாவித்தியாலயத்தில் பூங்கா திறப்பு விழாவும் சாதனையாளர் பாராட்டு விழாவும் சிறப்பாக இடம்பெற்றது.

 

பட்டிருப்பு கல்வி வலயத்திலுள்ள மட்/பட்/துறைநீலாவணை மகாவித்தியாலயத்தில் அமைக்கப்பட்ட கணித விஞ்ஞான பூங்கா திறப்பு விழாவும் சாதனையாளர் பாராட்டு விழாவும் இப் பாடசாலை அதிபர் சா.கிருபைராசா தலைமையில்  (16.08.2025) சனிக்கிழமை காலை 9.30 மணிக்கு வெகு சிறப்பாக இடம்பெற்றது.

இவ் விழாவின் முதன்மை அதிதியாக கலந்து சிறப்பித்த பட்டிருப்பு வலயக் கல்விப் பணிப்பாளர் சி.சிறிதரன் மற்றும் விசேட அதிதிகள் யாவரும் பேன்ட் வாத்திய இசை முழங்க சிறப்பான முறையில் வரவேற்று அழைத்துவரப்பட்டனர்.

இதனைத் தொடர்ந்து இப் பாடசாலை வளாகத்தில் அமைக்கப்பட்ட கணித விஞ்ஞான பூங்காவை முதன்மை அதிதியான பட்டிருப்பு வலயக் கல்விப் பணிப்பாளர் சி.சிறிதரன் அவர்கள் நாடாவை வெட்டி திறந்து வைத்தார்.

இதையடுத்து பொதுப் பரீட்சைப் பெறுபேறுகளுக்கமைய கல்விச் சாதனை படைத்த மாணவர்கள் மற்றும் அதிதிகளும் பொன்னாடை அணிவித்து விருது வழங்கி கௌரவிக்கப்பட்டனர்.