நாளை வேலோடுமலையில் இருந்து மண்டூருக்கு மூன்று நாள் பாதயாத்திரை ஆரம்பம்!

 

 

வரலாற்றுப் பிரசித்தி பெற்ற மண்டூர் கந்தசுவாமி   ஆலயத்தின் வருடாந்த மகோற்சவத்தின் கொடியேற்றத்தையொட்டி நாளை (16) சனிக்கிழமை காலை 5 மணிக்கு மட்டக்களப்பு சித்தாண்டி வேலோடு மலை முருகன் ஆலயத்திலிருந்து மூன்று நாள் பாதயாத்திரை ஒன்று ஆரம்பமாகிறது .

இம் மூன்று நாள் பாதயாத்திரை வேலோடுமலை முருகனாலய தலைவர்  அறங்காவலர் எஸ். தியாகராஜா( ஓய்வு நிலை அதிபர்) தலைமையில் நடைபெறுகிறது.

பாதயாத்திரை நாளை காலை 5 மணிக்கு வேலோடுமலையில் ஆரம்பமாகி  இரவு மங்கிக் கட்டு விநாயகர் ஆலயத்தை சென்றடையும்.

 நாளை மறுநாள் ஞாயிற்றுக்கிழமை மாவேற்குடா பிள்ளையார் ஆலயத்தில் தங்கி மறுநாள் பதினெட்டாம் தேதி திங்கட்கிழமை மண்டூர் முருகன் ஆலயத்தை சென்றடைவார்கள் .

மண்டூர் முருகன் ஆலயத்தின் கொடியேற்றம் 18-ஆம் தேதி திங்கட்கிழமை மாலை 5 மணிக்கு நடைபெறவிருப்பது குறிப்பிடத்தக்கது.

 

 

( வி.ரி.சகாதேவராஜா)