வைத்தியசாலைக்கு கிளினிக் சென்ற தாயின் மூன்று பவுன் தங்க சங்கிலி மாயம் .

 

திருகோணமலை மாவட்ட பொது வைத்தியசாலைக்கு மாதாந்தம் கிளினிக் செல்லும் தாயின் மூன்று பவுன் தங்க சங்கிலியை காணவில்லை என திருகோணமலை துறை முகப் பொலிஸில் முறைப்பாடு செய்யப்பட்டுள்ளது.

இவ்வாறு குறித்த வைத்தியசாலைக்கு மாதாந்த கிளினிக் செல்வதற்காக குறித்த தாய் 97ம் கட்டை சிராஜ் நகர் சந்தியில் இருந்து திருகோணமலை பொது வைத்தியசாலைக்கு செல்வதற்காக தனது பேரனுடன் பொது போக்குவரத்து பேரூந்தில் புறப்பட்டுள்ளார் இதே வேலை திருகோணமலை தபாலக வீதியில் அதே பஸ்ஸில் பயணிக்கையில் சங்கிலி அறுந்த போது அதனை தனது பையினுள் வைத்து வைத்தியசாலையில் கிளினிக் செல்லும் இடத்துக்கு சென்று வீடு திரும்பிய பின்பு பையை பார்த்த வேலையில் குறித்த தங்க சங்கிலி காணாமல் போயுள்ளதாக துறை முக பொலிஸில் முறைப்பாடு செய்துள்ளார்.

சம்பவம் தொடர்பான மேலதிக விசாரணைகளை துறை முக பொலிஸார் முன்னெடுத்துள்ளனர்.