கடையில் இருந்து சொக்லெட் திருடியதாக சந்தேகத்தின் பேரில் தாக்கப்பட்டு 67 வயது வயோதிபர் உயிரிழந்துள்ளார் .

 

கடையில் இருந்து சொக்லெட் திருடியதாக சந்தேகத்தின் பேரில் தாக்கப்பட்டு மருத்துவமனையில் அனுமதிக்கப்பட்ட 67 வயது நபர் இறந்த சம்பவம் தொடர்பாக கடையின் உரிமையாளர் மற்றும் உதவியாளரை பொலிஸார் கைதுசெய்துள்ளதாக கூறப்படுகிறது.


பேராதெனியவின் பஹல எரியகம பகுதியில் வசித்து வந்த 67 வயதுடைய இரண்டு குழந்தைகளின் தந்தையான தர்மசேன குரே என்பவரே உயிரிழந்துள்ளார்.


இந்த சம்பவம் தொடர்பாக  ஊடகம் ஒன்று நடத்திய விசாரணையில், கடந்த ஓகஸ்ட் 5 ஆம் திகதி தாக்குதல் நடந்ததாக பொலிஸ் ஊடகப் பிரிவு தெரிவித்துள்ளது.

தாக்குதலில் இறந்த நபர் தனது இரண்டு மகள்களும் திருமணமான பிறகு தனது மனைவியுடன் வசித்து வந்துள்ளதாகவும் தெரியவருகின்றது.