இலங்கைத் தமிழரசுக் கட்சியினால் குறித்த போராட்டம் ஒழுங்குபடுத்தப்பட்டது. பொது மக்கள் பாதுகாப்பு அமைச்சர் ஆனந்த விஜய பால மட்டக்களப்பிற்கு வருகை தந்ததை அடுத்து குறித்த போராட்டம் இலங்கைத் தமிழரசு கட்சியினரால் முன்னெடுக்கப்பட்டது.
ராணுவமே வெளியேறு, காணாமல் ஆக்கப்பட்ட உறவுகளுக்கு நீதி வேண்டும் முல்லைத்தீவு முத்தையன் கட்டு குளத்தில் 32 வயது கபில் ராஜ் எனும் இளைஞர் உயிரிழந்த சம்பவத்தை கண்டித்தும், சட்டவிரோத சமூக செயல்பாடுகளுக்கான நீதி கோரியும், செம்மணி, உள்ளிட்ட விடயங்களுக்கு நீதி கோரி கோஷங்களை எழுப்பியவாறு குறித்த கவனயீர்ப்பு போராட்டத்தில் ஈடுபட்டனர்.
மட்டக்களப்பு பாராளுமன்ற உறுப்பினர்களான ஞானமுத்து ஸ்ரீ நேசன், வைத்தியர் இளையதம்பி ஸ்ரீநாத், இரா. சாணக்கியன், மட்டக்களப்பு மாநகர முதல்வர் சிவம் பாக்கியநாதன், மாநகர சபையின் உறுப்பினர்கள் மற்றும் சமூக ஆர்வலர்கள் போராட்டத்தில் பங்கேற்று இருந்தனர்.
15 ஆம் திகதி நடத்தவிருந்த நாடு தழுவிய போராட்டம் எதிர்வரும் 18 ஆம் தேதியாக மாற்றப்பட்டுள்ளதாகவும் பாராளுமன்ற உறுப்பினர் இரா சாணக்கியன் ஊடக சந்திப்பின்போது தெரிவித்தார்.
.jpg)
.jpg)
.jpeg)
