விமல் வீரவன்சவுக்கு குற்றப் புலனாய்வுத் துறை (சி.ஐ.டி) அழைப்பாணை விடுத்துள்ளது.

 

தேசிய சுதந்திர முன்னணியின் தலைவரும் முன்னாள் அமைச்சருமான விமல் வீரவன்சவுக்கு குற்றப் புலனாய்வுத் துறை (சி.ஐ.டி) அழைப்பாணை விடுத்துள்ளது.

இவர் (ஜூலை 9) காலை 9 மணிக்கு சி.ஐ.டி.யின் சிறப்பு விசாரணைப் பிரிவு 4 இல் ஆஜராகுமாறு அறிவிக்கப்பட்டுள்ளார்.

இந்த அழைப்பாணை, கொழும்பு துறைமுகத்துக்கு இறக்குமதி செய்யப்பட்ட 323 கொள்கலன்கள் இலங்கை சுங்கத் திணைக்களத்தின் முறையான ஆய்வு இன்றி விடுவிக்கப்பட்டதாக எழுந்த புகார் தொடர்பானது.

ஜனவரி 29, 2025 அன்று நடைபெற்ற ஊடகவியலாளர் சந்திப்பில் இந்த விவகாரம் குறித்து வீரவன்ச வெளியிட்ட கருத்துகள் தொடர்பாக அவரிடம் வாக்குமூலம் பெறுவதற்காக இந்த அழைப்பாணை விடுக்கப்பட்டுள்ளதாக அறிவிப்பு தெரிவிக்கிறது.