மட்டக்களப்பு மண்முனை வடக்கு பிரதேச செயலகத்தில் "மட்டு முயற்சியாண்மை 2024" எனும் தொனிப்பொருளில் விற்பனை கண்காட்சி .இடம் பெற்றது .

 

 

சஜித்நாத்

மட்டக்களப்பு மாவட்ட  மண்முனை வடக்கு
 பிரதேச செயலகத்தில்  சிறு  தொழில் முயற்சி  அபிவிருத்தி    பிரிவு  "மட்டு முயற்சியாண்மை  2024"  எனும் தொனிப்பொருளில் இன்று   உள்ளூர் உற்பத்தி பொருட்களுக்கான பிரதேச மட்ட  விற்பனை கண்காட்சி    நடை பெற்றது .
இந்த  விற்பனை கண்காட்சியை  மண்முனை வடக்கு  பிரதேச செயலாளர் V..வாசுதேவன் அவர்கள் இன்று காலை பிரதேச வளாகத்தில் திறந்து வைத்தார்..
 சிறு  தொழில் முயற்சி  அபிவிருத்தி    பிரிவின் உத்தியோகத்தர்களான வேணி , மற்றும் யசோ ஆகியோரின் ஒழுங்கு படுத்தலின் கீழ் கண்காட்சியும் விற்பனையும் முன்னெடுக்கப்பட்டது .
கண்காட்சியில் சிறு  தொழில் உற்பத்தியாளர்களின் உற்பத்தி பொருட்கள் காட்சிப்படுத்தப்பட்டிருந்தன .
பெருமளவிலான வாடிக்கையாளர்கள் செயலகத்திற்கு வருகைதந்து   ஆர்வத்துடன் உள்ளூர் உற்பத்தி பொருட்களை வாங்கிச்சென்றதை காணக்கூடியதாக இருந்தது .