பெரியகல்லாறு கருமாரியம்மன் ஆலய வருடாந்த உற்சவம்!

(கல்லடி செய்தியாளர்)

மட்டக்களப்பு மாவட்டத்தில் இயற்கை எழில் கொஞ்சும் பெரியகல்லாறு கருமாரியம்மன் ஆலய வருடாந்த உற்சவம் இன்று சனிக்கிழமை (24) ஆரம்பமானது.

இதனை முன்னிட்டு நாட்டில் தலை விரித்தாடும் பொருளாதாரப் பிரச்சினை நீங்கி நாடும், மக்களும் செழிப்புற வாழ வேண்டி மகாயாகம் நிகழ்த்தப்பட்டது.

இதன்போது அந்தணர்கள் வேத பாராயணம் இசைக்க, அடியவர்களின் அரோகரா கோசத்துக்கு மத்தியில் இவ்யாகம் இடம்பெற்றது.

இதேவேளை நாளைய தினம் ஞாயிற்றுக்கிழமை (25) இடம்பெறவுள்ள தீர்த்தோற்சவத்துடன் ஆலய உற்சவம் நிறைவு பெறவுள்ளமை குறிப்பிடத்தக்கது.