(கல்லடி செய்தியாளர்)
மட்டக்களப்பு இந்துக் கல்லூரியின் 78 ஆவது ஆண்டு நிறைவையொட்டி ஹிந்துற் வோர்க் இன்று சனிக்கிழமை (17) மட்டக்களப்பில் இடம்பெற்றது.
இதன் ஆரம்ப நிகழ்வாக அதிதிகள் மற்றும் பாடசாலை முன்னாள், இன்னாள் அதிபர்கள் பாடசாலை பழைய மாணவர்களால் கௌரவிக்கப்பட்டனர்.
அதனைத் தொடர்ந்து ஆரம்பமான "ஹிந்துற் வோர்க்" பாடகாலை வளாகத்திலிருந்து ஆரம்பிக்கப்பட்டு, புகையிரத வீதியையடைந்து, அங்கிருந்து கல்லடிப் பாலம் ஊடாக கல்லடி மணிக்கூட்டுக் கோபுரத்தை அடைந்து, பின் மீண்டும் கல்லடிப் பாலம் ஊடாக மட்டக்களப்பு நகர், திருமலை வீதியூடாக பாடசாலையை வந்தடைந்தது.
"ஒன்றுபடுவோம் உயர்வோம்" எனும் தொனிப்பொருளில் (Hinduite walk) ஹிந்துவிற் நடைபவனி இடம் பெற்றது.
கிழக்கு மாகாணத்தில் ஆரம்பிக்கப்பட்ட முதலாவது அரச பாடசாலையாக இந்துக் கல்லூரி திகழ்வதுடன், இக் கல்லூரியானது தனது 78 ஆவது ஆண்டு நிறைவையொட்டி இந்துக் கல்லூரியின் பழைய மாணவர் சங்கத்தினரால் பல்வேறு நிகழ்வுகளை நடாத்துவதற்கான திட்டங்கள் முன்னெடுக்கப்பட்டு வருவதாகப் பழைய மாணவர் சங்கத் தலைவர் எம்.சதீஸ்குமார் தெரிவித்தார்.
இதன்போது பழைய மாணவர்கள் மற்றும் பாடசாலை மாணவர்கள், ஆசிரியர்கள் இணைந்து நடைபவனியை முன்னெடுத்தனர்.
.jpg)
.jpg)
.jpeg)
