மட்டக்களப்பு மாவட்ட பண்பாட்டு அலுவலகமும் மட்டக்களப்பு பொது நூலகமும் இணைந்து நடத்திய தாய் மொழி தினம் !

(கல்லடி செய்தியாளர்)

மட்டக்களப்பு மாவட்ட பண்பாட்டு அலுவலகமும் மட்டக்களப்பு பொது நூலகமும் இணைந்து நடத்திய தாய்மொழி தினம் புதன்கிழமை (21) மட்டக்களப்பில் இடம்பெற்றது.

மாவட்டகலாசார உத்தியோகத்தர் த.மலர்ச்செல்வன் மற்றும் நூலகர் த.சிவராணி ஆகியோரின் இணைத்தலைமையில் காலை 11.00 மணிக்கு மட்டக்களப்பு கல்லடி விவேகானந்தா மகளிர் மகாவித்தியாலயத்தில் "வேர்களைத்தேடி..." எனும் தொனிப்பொருளிலும், மாலை நிகழ்வாக மட்டக்களப்பு பொது நூலகக்கேட்போர் கூடத்தில்  "மொழியும் ,வாழ்வும்,வழிபாடும்"எனும் தொனிப்பொருளில் சர்வதேச தாய்மொழி தினம் நடைபெற்றன.

 இந்நிகழ்வில் உரைகள், கவிதை,கிராமியப்பாடல்கள்,கலந்துரையாடல்கள் இடம்பெற்றன.

இதன்போது எழுத்தாளரர்கள், இலக்கிய ஆர்வலர்கள் மற்றும் பொதுமக்கள் எனப் பலர் கலந்து கொண்டனர்.