மட்டக்களப்பு கல்லடி இக்னேசியஸ் வித்தியாலயத்தில் தரம் ஒன்றுக்கு மாணவர்களை வரவேற்கும் நிகழ்வு!

(கல்லடி செய்தியாளர்)

மட்டக்களப்பு கல்லடி புதுமுகத்துவாரம் புனித இக்னேசியஸ் வித்தியாலயத்தில் தரம் ஒன்று வகுப்புக்கு மாணவர்களை வரவேற்கும் நிகழ்வு இன்று வியாழக்கிழமை வித்தியாலயத்தில் வெகுசிறப்பாக (22) இடம்பெற்றது.

வித்தியாலய பிரதி அதிபர் திருமதி புஸ்பராணி விஸ்வநாதன் தலைமையில் நடைபெற்ற இந்நிகழ்வில், புதிதாகத் தரம் ஒன்றில் இணைந்துள்ள மாணவர்கள் பாடசாலை முன்றலிலிருந்து தரம்- 2 மாணவர்களால் மலர் மாலை அணிவிக்கப்பட்டு, அழைத்து வரப்பட்டனர்.

இதன்போது தரம் - 2, 4 மற்றும் 5 மாணவர்களால் பல்வேறு நிகழ்வுகள் அரங்கேற்றப்பட்டன.

இவ்வரவேற்பு நிகழ்வில், பாடசாலை ஆசிரியர்கள், மாணவர்கள் மற்றும் பெற்றோர்கள் எனப் பலர் கலந்து கொண்டனர்.