மட்டக்களப்பு கல்லடிஉப்போடை விவேகானந்தா மகளிர் கல்லூரியில் இடம்பெற்ற தரம் ஒன்று மாணவர்களை வரவேற்கும் நிகழ்வு- 26.02.2024

 

FREELANCER

2024ஆம்  வருடத்திற்குரிய தரம் 1க்கு  மாணவர்களை தேசிய  ரீதியில்  உள்வாங்கும் நிகழ்வு  மட்டக்களப்பு கல்லடிஉப்போடை  விவேகானந்தா  மகளிர்  கல்லூரியில்  மிகவும் சிறப்பாக நடைபெற்றது.

  இவ்வருடம்   தரம்  ஒன்றுக்கு உள்வாங்கப்படும் மாணவர்களும்  அதிதிகளும்  மலர் மாலை அணிவித்து கௌரவிக்கப்பட்டு  ஆரம்ப பிரிவு  மாணவர்களின் BAND-வாத்திய இசையோடு அழைத்து வரப்பட்டனர்,தொடர்ந்து   பாடசாலை அதிபர்  திருமதி நவகீதா  தர்மசீலன் அம்மணி  அவர்களால் தேசியக்கொடி ஏற்றப்பட, பாடசாலை ஆரம்ப  பிரிவு  பகுதித்  தலைவர் திருமதி  உ .யோகேஸ்வர ராஜா  அம்மணி அவர்களால் பாடசாலை கொடி ஏற்றப்பட்டு  தேசிய கீதம் இசைக்கப்பட்டது .
 இதனைத் தொடர்ந்து  மங்கள விளக்கேற்றல் நிகழ்வும்  இறைவணக்கமும் பாடப்பட்டது ,  அதன் பின்னர் பாடசாலை அதிபரால்  தலைமையுரை   நிகழ்த்தப்பட்டு மாணவர்களின் கலை நிகழ்வும் சிறப்பாக இடம் பெற்றது.

  கடந்த வருடங்களை விட இவ்வருட வரவேற்பு  நிகழ்வுக்கு பாடசாலை பழைய மாணவர் சங்கத்தினரின்  ஒத்துழைப்பு அளப்பரியதும் பாடத்தக்கதுமான ஒரு  விடயமாக இருந்தது. அத்தோடு இந்நிகழ்வு சிறப்பாக   நடைபெறுவதற்கு அனைத்து ஆசிரியர்களிலும் ஒத்துழைப்பு அர்ப்பணிப்பு என்பன சிறப்பாக அமைந்திருந்தமை  குறிப்பிடத்தக்கதாகும்.
மேலும் இன்றைய நிகழ்வின் போது  பாடசாலையின்  2005 ஆம் ஆண்டு உயர்தர பிரிவு மாணவர்களால்  முதலாம் தர  மாணவர்களுக்கு பரிசு பொருட்களை  வழங்கி வைக்கும் நிகழ்வும்  இடம்பெற்றது. அத்தோடு நன்றி நவிலலுடன்  நிகழ்வு இனிதே நிறைவு பெற்றது.