நாட்டை விட்டு வெளியேறும் வைத்தியர்கள் மற்றும் ஆலோசகர்களின் எண்ணிக்கை ஓரளவு குறைந்துள்ளதாக சுகாதார அமைச்சின் புதிய செயலாளர் வைத்தியர் பாலித மஹிபால தெரிவித்துள்ளார்.
நேற்று வியாழக்கிழமை (23) அமைச்சில் நடைபெற்ற ஊடகவியலாளர் சந்திப்பில் கருத்துத் தெரிவித்த வைத்தியர் மஹிபால, கடந்த இரண்டு முதல் மூன்று வாரங்களுக்கான தரவுகளை பரிசீலிக்கும் போது, நாட்டை விட்டு வெளியேறும் வைத்தியர்களின் எண்ணிக்கையில் சரிவான போக்கு காணப்படுவதாக தெரிவித்தார்.
“முதுகலைப் பயிற்சிக்காக வெளிநாடு சென்ற அந்த மருத்துவர்கள் நாடு திரும்பவே இல்லை என்ற போக்கை நாம் சில காலத்திற்கு முன்பு பார்த்தோம். ஒப்பீட்டளவில், மருத்துவர்கள் இப்போது திரும்பி வருகிறார்கள். உண்மையில், வேறு நோக்கங்களுக்காக நாட்டை விட்டு வெளியேறிய சில மருத்துவர்கள், திரும்பி வருகிறார்கள், ”என்று அவர் தெரிவித்தார்.
மேலும், தற்போது தொழிற்சங்கங்கள் மற்றும் பிற பங்குதாரர்களுடன் இந்த விஷயத்தை எவ்வாறு சிறந்த முறையில் தீர்க்க முடியும் என்பதைப் பார்க்கிறோம் என்று சுகாதாரச் செயலாளர் கூறினார்.
"ஒரு நிபுணரை உருவாக்க 8-10 ஆண்டுகள் வரை ஆகும், அவர்களுக்காக அதிக பணம் செலவிடப்படுகிறது. எனவே, அவர்கள் நாட்டில் தங்கியிருப்பதை நாங்கள் உறுதி செய்ய வேண்டும்” என்று மஹிபால மேலும் கூறினார்.
