மட்டக்களப்பு ஆரையம்பதி எக்ஸலன்ஸ் லயன்ஸ் கழகத்தினரால் சீரற்ற காலநிலையால் பாதிக்கப்பட்ட மக்களுக்கு இன்று மதிய உணவு வழங்கி வைப்பு.

 

 

மட்டக்களப்பு மாவட்டத்தில் ஏற்பட்டுள்ள சீரற்ற காலநிலையால் பாதிக்கப்பட்ட மக்களுக்கான மனிதாபிமான உதவி திட்டத்தின் கீழ் மதிய உணவினை ஆரையம்பதி எக்ஸலன்ஸ் லயன்ஸ் கழகம் (Lions Club of Arayampathi Excellence) இன்று வழங்கி வைத்தது.

இலங்கை முழுவதும் தற்போது ஏற்பட்டுள்ள சீரற்ற காலநிலையால் ஆயிரக்கணக்கான  மக்கள் பாதிக்கப்பட்டுள்ளதுடன் மட்டக்களப்பு மாவட்டத்திலும் பல   குடும்பங்கள்    பாதிக்கப்பட்டு இடைத்தங்கல் முகாம்களில் தங்கி உள்ளமை குறிப்பிடத்தக்கது. 

பாதிக்கப்பட்ட மக்களுக்கான சேவைகளை அரச நிறுவனங்கள் மற்றும் அரச சார்பற்ற நிறுவனங்கள் வழங்கி வருவதுடன் இன்று சனிக்கிழமை தெரிவு செய்யப்பட்ட சில இடைத்தங்கல்  முகாம்களில்  தங்கி உள்ள  மக்களுக்கான மதிய உணவு மற்றும் அடிப்படை தேவைகள் அவசியமானவர்களுக்கு     சமைத்த பகல் உணவு பொதிகளை     ஆரையம்பதி எக்ஸலன்ஸ் லயன்ஸ் கழகம் (Lions Club of Arayampathi Excellence)  தயார் செய்து இன்று வழங்கி வைத்தது.