இந்திய பிரதமரின் இலங்கை விஜயத்தின் போது இரு நாடுகளுக்கும் இடையே பல புரிந்துணர்வு ஒப்பந்தங்கள் கைச்சாத்திடப்படவுள்ளதாக தெரிவிக்கப்படுள்கிறது .

 

இந்தியப் பிரதமர் நரேந்திர மோடியின் இலங்கை வருகையின் போது பாதுகாப்பு, எரிசக்தி இணைப்பு மற்றும் டிஜிட்டல் மயமாக்கல் தொடர்பான பல புரிந்துணர்வு ஒப்பந்தங்கள் (MOU) கையெழுத்தாகும் என்று தெரிவிக்கப்படுகிறது.

இந்தியப் பிரதமர் ஏப்ரல் 4 ஆம் தேதி மாலை இலங்கைக்கு வருவார் என்றும் ஏப்ரல் 6 வரை இலங்கையில் இருப்பார் என்றும் கூறப்படுகிறது.

அவர், ஜனாதிபதி அனுர குமார திசாநாயக்கவுடன் சேர்ந்து, நீண்ட காலமாக திட்டமிடப்பட்டிருந்த சம்பூர் திட்டத்தின் அடிக்கல் நாட்டு விழாவில் கலந்து கொள்வார் என்றும் மற்ற அரசியல் தலைவர்களையும் சந்திப்பார் என்றும் எதிர்பார்க்கப்படுகிறது .

பிரதமர் மோடி அனுராதபுரத்திற்கும் பயணம் செய்து, அங்கு இரு நாடுகளுக்கும் இடையிலான வரலாற்று உறவுகளின் அடையாளமாக ஜெய ஸ்ரீ மகா போதியில் மத அனுஷ்டானங்களில் கலந்து கொள்வதோடு அனுராதபுரத்தில், சில இந்திய நிதியுதவி திட்டங்களையும் தொடங்கி வைப்பார் எனவும் எதிர்பார்க்கப்படுகிறது.