மட்டக்களப்பு கல்லடி உப்போடை சிவானந்தா தேசிய பாடசாலையின் வருடாந்த பரிசளிப்பு விழா, சுவாமி நீலமாதவானந்த ஜி மகராஜ் அவர்களின் ஆசியுடன், பாடசாலை அதிபர் எஸ். தயாபரன் அவர்களின் தலைமையில் வெகு சிறப்பாக நடைபெற்றது.
இந்நிகழ்வில் பிரதம விருந்தினராக திறைசேரியின் மேலதிக பணிப்பாளர் நாயகம் சிவாநந்தியன் திரு. வ. வாசுதேவன் அவர்களும், கௌரவ விருந்தினராக பேராசிரியர் மருத்துவர் சிவாநந்தியன் பி. மயூரதன் அவர்களும் கலந்து சிறப்பித்தனர்.
அத்துடன், சிறப்பு விருந்தினர்களாக பாடசாலையின் முன்னாள் அதிபர் திரு. கே. சுவர்ணேஸ்வரன் அவர்களும், பேச்சியம்மன் சித்திவிநாயகர் ஆலயத் தலைவர் சிவாநந்தியன் கே. கருணேஸ்வரன் அவர்களும் கலந்து கொண்டு நிகழ்வை சிறப்பித்தனர்.
பாடசாலையின் சிவாநந்தியர்களால் தொகுத்து வழங்கப்பட்ட இந்நிகழ்வு, பிரதி அதிபர்கள், உதவி அதிபர்கள் மற்றும் ஆசிரியர்களின் சிறந்த வழிநடத்தலின் கீழ் சிறப்பாக முன்னெடுக்கப்பட்டது.
நீண்ட காலத்திற்குப் பின்னர் சிவானந்தா தேசிய பாடசாலையில் இவ்வாறான சிறப்புமிக்க பரிசளிப்பு விழா ஏற்பாடு செய்யப்பட்டமை மாணவர்கள், பெற்றோர், ஆசிரியர்கள் மற்றும் பழைய மாணவர்கள் மத்தியில் பெரும் மகிழ்ச்சியை ஏற்படுத்தியுள்ளது.
மாணவர்களின் கல்வி, விளையாட்டு உள்ளிட்ட பல்வேறு துறைகளில் வெளிப்படுத்திய திறமைகள் மற்றும் சாதனைகளைப் பாராட்டி பரிசில்கள் வழங்கப்பட்டதுடன், அவர்களின் எதிர்கால முன்னேற்றத்திற்கும் இந்நிகழ்வு ஊக்கமளிக்கும் வகையில் அமைந்தது.
இந்நிகழ்வை சிறப்பாக ஏற்பாடு செய்து வெற்றிகரமாக நடத்துவதற்கு அர்ப்பணிப்புடன் செயலாற்றிய பாடசாலை நிர்வாகம், ஆசிரியர்கள், பழைய மாணவர்கள் மற்றும் அனைத்து தரப்பினருக்கும் மனமார்ந்த நன்றிகள் தெரிவிக்கப்பட்டன.
அதேவேளை, பரிசளிப்பு விழாவை வெற்றிகரமாக நடத்துவதற்காக நிதி மற்றும் ஏனைய பங்களிப்புகளை வழங்கிய அனைத்து நல் உள்ளங்களுக்கும் பாடசாலை சார்பில் நன்றிகள் தெரிவிக்கப்பட்டன.
குறிப்பாக, பாடசாலையின் பரிசளிப்பு நிகழ்விற்காக ரூபா 110,000/- நிதிப் பங்களிப்பை வழங்கிய பிரித்தானிய பழைய மாணவர் சங்கத்திற்கு விசேட நன்றியும் பாராட்டும் தெரிவிக்கப்பட்டது.
மாணவர்களின் கல்வி மற்றும் பல்துறைத் திறமைகளை ஊக்குவிக்கும் இத்தகைய நிகழ்வுகளுக்கு எதிர்காலத்திலும் பழைய மாணவர்கள், பெற்றோர், நலன்விரும்பிகள் மற்றும் சமூகத்தின் தொடர்ச்சியான ஆதரவும் ஒத்துழைப்பும் கிடைக்க வேண்டும் என எதிர்பார்ப்பு தெரிவிக்கப்பட்டுள்ளது.
